მისასალმებელი სიტყვა

მოგესალმებით,

ჩემთვის დიდი პატივია მოგესალმოთ და მოგემსახუროთ, როგორც საქართველოს საგანგებო და სრულუფლებიან ელჩი შვეიცარიის კონფედერაციასა და ლიხტენშტაინის სამთავროში.

საქართველო და შვეიცარია მრავალმხრივ თანამშრომლობენ და გვაერთიანებს საერთო ღირებულებები – დემოკრატია, ადამიანის უფლებების პატივისცემა და ეკონომიკური განვითარება. ჩვენი ორმხრივი ურთიერთობები ათწლეულებს ითვლის და დღესაც ძლიერდება სხვადასხვა მიმართულებით – პოლიტიკურ, ეკონომიკურ, კულტურულ, საგანმანათლებლო და სხვა სფეროებში. აღსანიშნავია შვეიცარიის მნიშვნელოვანი მედიატორული როლი საქართველოს ტერიტორიული კონფლიქტების მშვიდობიან მოგვარებაში.

ლიხტენშტაინის სამთავროსთან ჩვენს ურთიერთობებს კი ხასიათს სძენს მეგობრული და საქმიანი პარტნიორობა, რომელიც დაფუძნებულია საერთო ინტერესებზე და მტკიცე თანამშრომლობაზე, მათ შორის საერთაშორისო ორგანიზაციების ფარგლებში.

ჩემი მთავარი მიზანია ამ ურთიერთობების გაღრმავება, ახალი შესაძლებლობების აღმოჩენა და ჩვენს ქვეყნებს შორის კავშირების განმტკიცება. ქართველი ხალხი განსაკუთრებული პატივისცემით ეკიდება შვეიცარიისა და ლიხტენშტაინის კულტურულ მემკვიდრეობას, ინოვაციებს, ეკონომიკურ წარმატებებს და მჯერა, რომ ჩვენი თანამშრომლობით კიდევ უფრო გავაძლიერებთ ამ კავშირებს.

მზად ვარ ხელი შევუწყო ქართველ და შვეიცარელ, ასევე ქართველ და ლიხტენშტაინელ ხალხს შორის მეგობრობის გაღრმავებას და მჭიდრო თანამშრომლობას ყველა სფეროში.

 

შოთა გეწაძე

საქართველოს საგანგებო და სრულუფლებიანი ელჩი შვეიცარიის კონფედერაციასა და ლიხტენშტაინის სამთავროში