საიტზე მიმდინარეობს ტექნიკური სამუშაოები

საგარეო საქმეთა მინისტრმა სუამის საგარეო საქმეთა მინისტრების საბჭოს მე-40 სხდომაში მიიღო მონაწილეობა

საქართველოს საგარეო საქმეთა მინისტრმა, ილია დარჩიაშვილმა, მონაწილეობა მიიღო სუამის საგარეო საქმეთა მინისტრების საბჭოს მე-40  სხდომაში, რომელიც 2022 წლის 20 დეკემბერს  ვიდეოკონფერენციის ფორმატში გაიმართა.

სხდომას  მოლდოვას რესპუბლიკის ვიცე-პრემიერი, საგარეო საქმეთა და ევროპული ინტეგრაციის მინისტრი ნიკუ პოპესკუ თავმჯდომარეობდა. მასში აგრეთვე მონაწილეობდნენ  უკრაინის საგარეო საქმეთა მინისტრი დმიტრო კულება, აზერბაიჯანის რესპუბლიკის საგარეო საქმეთა მინისტრის მოადგილე ელნურ მამადოვი და სუამის გენერალურ მდივანი ალთაი ეფენდიევი.

მინისტრები მიესალმნენ 2022 წელს  მოლდოვას  წარმატებულ  თავმჯდომარეობას,  მიუხედავად არსებული გამოწვევებისა.  ხაზგასმით აღინიშნა უკრაინაში მიმდინარე ომის ფონზე  სუამის სამდივნოს გამორჩეული წვლილი ორგანიზაციის უწყვეტი ფუნქციონირებისა და სუამის სამუშაო ჯგუფების შეუფერხებლად მუშაობის უზრუნველყოფის საქმეში. არსებული გამოწვევების ფონზე შეხვედრაზე ყურადღება გამახვილდა რეგიონული თანამშრომლობის გაძლიერებისა და საერთაშორისო პლატფორმების ფარგლებში სუამის წევრი ქვეყნების  კოორდინირებული ურთიერთქმედების მნიშვნელობაზე.

არსებული გამოწვევების ფონზე განსაკუთრებით ხაზი გაესვა ტრანსპორტის, დაკავშირებადობისა (connectivity) და ენერგეტიკის სფეროების პრიორიტეტულობას და სუამის სატრანსპორტო დერეფნის განვითარების მნიშვნელობას.

სხდომის ფარგლებში, დამტკიცდა სუამის სამუშაო ჯგუფების კოორდინატორი ქვეყნები 2023-2024 წლებისათვის. შეხვედრის დასასრულს  მხარეებმა მიიღეს ოქმი და გადაწყვეტილება 2023 წელს თავმჯდომარეობის უკრაინისთვის გადაცემის თაობაზე.

Occupied Territories of Georgia

COVID19

eVISA portal