საქართველოს საგანგებო და სრულუფლებიანი ელჩი შვეიცარიის კონფედერაციაში ბატონი ზურაბ ჭიაბერაშვილი მიმდინარე წლის 11 იანვარს ქ. ბერნში დაესწრო საახალწლო მიღებას, რომელიც მოეწყო შვეიცარიაში აკრედიტებული დიპლომატიური კორპუსის ხელმძღვანელთათვის შვეიცარიის კონფედერაციის ახლადარჩეული პრეზიდენტის ქალბატონ ეველინ ვიდმერ-შლუმპფის სახელით.

16-23 იანვრის ეკონომიკური დაიჯესტი

ეკონომიკური სიახლეები:

·         2011 წელს საქართველოში 54 076 ბიზნეს სუბიექტი დარეგისტრირდა, რაც გასული წლის ანალოგიურ მაჩვენებელს 15%-ით აღემატება;

·         2011 წელს აჭარაში ჯამში 1 319 513 ვიზიტორი ჩავიდა, რაც წინა წლის ანალოგიურ პერიოდთან შედარებით 35%-ით მეტია;

·         2011 წლის მე-3 კვარტალში მომსახურების დარგებში - ოპერაციები უძრავი ქონებით, იჯარა და მომხმარებლისათვის მომსახურების გაწევის ბრუნვამ 202,9 მლნ ლარი შეადგინა, რაც 3%-ით აღემატება ამავე წლის მე-2 კვარტლის ანალოგიურ მაჩვენებელს;

·         საქართველოს სტატისტიკის ეროვნული სამსახურის მონაცემებით, ქვეყანაში დაქირავებით დასაქმებულთა საშუალო თვიური ნომინალური ხელფასი საქმიანობის სახეების მიხედვით 2011 წლის მე-3 კვარტალში 687,4 ლარს შეადგენს, რაც 13%-ით აღემატება გასული წლის ანალოგიურ, ხოლო 1%-ით წინა კვარტლის მაჩვენებელს;

·         2011 წლის დეკემბერში საქართველოში შემოსული ფულადი გზავნილების ნაკადების მოცულობამ 124,9 მლნ აშშ დოლარი შეადგინა, რაც 15,1%-ით (16,3 მლნ აშშ დოლარით) მეტია 2010 წლის დეკემბრის ანალოგიურ მაჩვენებელზე.