ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

გიორგი მარგველაშვილმა შვეიცარიის კონფედერაციის ეროვნული საბჭოს თავმჯდომარეს უმასპინძლა

საქართველოს პრეზიდენტმა გიორგი მარგველაშვილმა დღეს, შვეიცარიის კონფედერაციის ეროვნული საბჭოს თავმჯდომარესთან კრისტა მარკვალდერთან გამართა შეხვედრა.

ქვეყნის პირველმა პირმა შვეიცარიის ეროვნული საბჭოს თავმჯდომარეს მადლობა გადაუხადა საქართველოში სტუმრობისა და საქართველოს ევროპული და ევროატლანტიკური მისწრაფებების მხარდაჭერისათვის.

„ ჩვენს პარტნიორებსა და მეგობრებთან აქტიური კონტაქტი კიდევ უფრო უსვამს ხაზს ჩვენს ძალიან მჭიდრო ურთიერთობას ევროპასთან და ამ წინასაარჩევნო პერიოდში თქვენი სტუმრობა განსაკუთრებით მნიშვნელოვანია“,- აღნიშნა გიორგი მარგველაშვილმა

შეხვედრისას მხარეებმა განსაკუთრებული ყურადღება, ქვეყანაში არსებულ წინასაარჩევნო გარემოსა და ოქტომბრის საპარლამენტო არჩევნების შესახებ გაამახვილეს.

საუბარი საქართველოსა და ევროკავშირის ურთიერთობასაც შეეხო. ყურადღება გამახვილდა ორ ქვეყანას შორის სავაჭრო ურთიერთობების გაღრმავების მნიშვნელობაზე, როგორც შეხვედრისას აღინიშნა საქართველოსა და შვეიცარიას შორის ურთიერთობა მრავალი მიმართულებით წარმატებით ვითარდება, არაერთი საკითხი დგას დღის წესრიგში, როგორც სავაჭრო-ეკონომიკური პროექტები ისე ტურიზმის სფეროში.

მხარეებმა საქართველოსა და რუსეთის ურთიერთობებიც განიხილეს, აღინიშნა შვეიცარიის მნიშვნელოვანი როლი, რომელსაც  ის საქართველო-რუსეთის ურთიერთობებთან დაკავშირებით ასრულებს.

თავის მხრივ კრისტა მარკვლადერმა მადლობა გადაუხადა საქართველოს პრეზიდენტს მასპინძლობისთვის და აღნიშნა, რომ ის პირველი ვიზიტით იმყოფება საქართველოში.

შეხვედრას საქართველოს პრეზიდენტის ადმინისტრაციის უფროსი გიორგი აბაშიშვილი, საქართველოს ეროვნული უშიშროების საბჭოს მდივანი ირინე იმერლიშვილი, საქართველოს პრეზიდენტის საგარეო ურთიერთობათა მდივანი თენგიზ ფხალაძე და საქართველოს პრეზიდენტის პოლიტიკური მდივანი ფიქრია ჩიხრაძე დაესწრნენ.

https://www.president.gov.ge/ge/PressOffice/News?10585


 
 
კვ ორ სა ოთ ხუ პა შა
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ